Пра гэта стала вядома пасля падвядзення ў Міністэрстве прыродных рэсурсаў і аховы навакольнага асяроддзя Рэспублікі Беларусь вынікаў рэспубліканскага конкурсу па скарачэнні выкідаў ад механічных транспартных сродкаў.
У конкурсе прынялі ўдзел 29 суб'ектаў гаспадарання рознай формы ўласнасці.
У намінацыі "суб'екты, якія эксплуатуюць 100 і больш адзінак механічных транспартных сродкаў" перамога прысуджана Рэспубліканскаму ўнітарнаму прадпрыемству "Беларуская атамная электрастанцыя". Транспартнікі БелАЭС апярэдзілі калег з РУП "Белпошта" і РУП "Вытворчае аб'яднанне "Беларуснафта" Рэчыцкае ўпраўленне тэхналагічнага транспарту", якія занялі 3-е і 2-е месцы адпаведна.
Перамозе ў рэспубліканскім конкурсе папярэднічала 1 месца на этапе конкурсу ў Гродзенскай вобласці.
"На Беларускай АЭС надаецца вялікая ўвага кантролю за выкідамі механічных транспартных сродкаў. І гэта пры значным аб'ёме пасажырскіх і грузавых перавозак. Скарачэнне выкідаў транспартных сродкаў дасягаецца за кошт своечасовага абнаўлення аўтапарка, эканоміі паліва, прадуманай лагістыкі, а таксама шырокага выкарыстання тэхналогіі GPS-маніторынгу. Аднак, няма мяжы дасканаласці. У хуткім часе на Беларускую АЭС будуць пастаўленыя 4 iнавацыйныя электробусы беларускай вытворчасці, што дазволіць яшчэ больш палепшыць нашы вынікі", - пракаментаваў перамогу ў конкурсе начальнік аўтатранспартнага цэха Беларускай АЭС Дзмітрый Буцянаў.
